Similar Articles

कथा लघुकथा

विदेश- शारदा पौडेल

बिराट नेपाल 2016-04-02

लघुकथा:-

काका हेर्नू न, पढेर पनि केही काम नै पाउन सकिएन , खै के गर्ने हो ? खेती किसान गरौँ भने आम्दानी भन्दा खर्च धेरै हुने उल्टो घाटा खाएर खेती गरेर बसेर नि कामै भएन , त्यसैले त्यतै आउन पर्‍यो काम लगाइदिनु है " :- मैले भने ।

हुन्छ त नि आइज :- काकाको जवाफ सुन्ने बित्तिकै म पासपोर्ट बनाएँ र एउटा कन्सलटेन्सीलाई बुझाएँ । महिना दिनमा नै भिसा लाग्छ भन्यो मैले सोही अनुसार सबै तयारी गरेँ र भिसाको प्रतीक्षा गरेँ । नभन्दै भिसा लाग्यो । भिसा लागेपछि बल्ल सबै परिवार इष्टमित्र छाडेर हिड्दैछु , के हुने होला ? कसो हुने होला भनेर मनमा कुरा खेल्न थाल्यो भने अर्को मनले अब युरोपको सम्पन्न
देशमा जाने हो केही वर्ष बसिन्छ कमाइन्छ र फर्किन्छ भन्ने ठुलो आशा बोकेको थियो ।

जाने दिन आयो , आमा बुबा दाजुभाइ इष्टमित्र सबले टीका लगाएर बिदाइ गर्नुभयो । आमाले रुँदै भन्नू भएको थियो , नजा भन्दा मानेनौ बाबु , सबैले यही देशमा गरी खाए कै थिए, अब राम्रोसँग जाऊ , बा पछिका काका हुँदै हुनुहुन्छ पिर नगर । यति भन्ने बेलासम्म आमाको मुटुमा गाँठो परिसकेको थियो । त्यत्तिकैमा बाले भन्नुभयो :- विदेशमा कोही छ होइन , म छु र मैले
गर्नुपर्छ भन्ने सोच लिएर हिड्नुपर्छ । म सबैसँग बिदाइका हात हल्लाएँ मन भारी बनाउँदै गेटपास भित्र छिरेँ र सपनाको सहरतिर हानिएँ । मैले काकालाई आउने समय तालिका सबै मेलमा पठाएको थिएँ र उहाँ सोही समयमा एयरपोर्ट लिन आउँछु भन्नू भएको थियो र आउनु भयो पनि ।

जब काकालाई एयरपोर्टमा देखेँ खुसीको सीमा रहेन । हामी एयरपोर्टबाट केही टाढा जानू पर्ने रहेछ क्यारे बसेको ठाउँमा पुग्नको लागि त्यसैले मेट्रो चढ्यौँ र केही समय काका भतिजा भलाकुसारी गर्‍यौ । बा आमा छोडेर आए पनि काकालाई देखेपछि उहाँभित्र बाको स्वरूप देखेको थिएँ । मनमनै निकै हर्षित थिएँ । मैले के के सोच्न पुगेछु , एकछिन हामीबिचमा सन्नाटा छायो ।

यही सन्नाटालाई चिर्दै काकाले भन्नुभयो : - हेर केटा यो विदेश हो, यहाँ आफ्नो आफन्त कोही हुँदैन, सबै व्यवस्था आफैँले गर्नुपर्छ। तँलाई आजको रात मेरो घरमा बस्न दिन्छु भोलि बिहानै आफ्नो बाटो लाग्नु । म एक्कासि आकाशबाट खसेँ ,झस्किएँ र बालाई सम्झिएँ , अनि अघिको बाको स्वरूपलाई नियालिरहेँ......


-->

Post Comments Using Facebook


Your Comments

Your email address will not be published. Required fields are marked *

* Please specify you name.

* Please enter a valid email. e.g. [yourname@yourdomain.com].

* Please enter comment.

TYPE BELOW CAPTCHA SAME AS SHOWN

*  Please enter the text shown on the above image.


फोहोर, आपत्तिजनक र अशिष्ट भाषामा गाली गरिएका प्रतिक्रिया पोष्ट हुनेछैन् ।
तपाईले पठाएका प्रतिक्रिया सम्पादन टीमबाट स्वीकृत भएपछि मात्र प्रकाशन हुने भएकाले केही समय लाग्न सक्छ । असली, पुरा नाम र ठेगाना उल्लेख भएका तथा सिर्जनशील प्रतिक्रियालाई बिशेष प्राथमिकता दिइने छ ।-सम्पादक