२०४१ सालमा रेडियो नेपालबाट गितिकथा लेखन सुरु गरेका गीतकार शङ्कर अधिकारी घायल अहिले बहुआयामिक प्रतिभा भएका छन । गीति कथा लेखनबाट सुरु भएको उनको लेखन भने पहिलो होइन । सुनसरीको झुम्कामा जन्मिएका घायल स्कुल पढ्दा देखि नै हल्का फुल्का कविता लेख्ने गर्थे स्कुलमा हुने सरस्वती पूजामा नाट्क पनि खेल्ने गर्थे । आफ्नो कर्मथलो खोज्दै जब उनी काठमाडौ भित्रिएपछि लगभग उनको लेखन यात्रामा रोक लाग्यो किनकि बाच्नु थियो पहिले लेख्नु भन्दा पनि । जब उनले केही राहतको मह्सुस गरे अनि उनी भित्रको लेखक जुर्मुर्‍याउन थाल्यो ।

साहित्य र गीत, सङ्गीत मै केही गरौँ भनेर उनी लागि परे । मित्र उज्वल केसीको सहयोगमा किरण कडेलको सङ्गीतमा पहिलो गीत बिमल गदालको आवाजमा रेकर्ड भए पछि आफ्नो गितियात्रालाई अगाडि बढाउन थाले । आफ्नै लगानीमा दुई लोक दोहोरी एल्बम शीतल छाँया र चरी बस्यो फुलको डालिमा ल्याए पछि उनको केही चर्चा हुन थाल्यो । दिल कुमार प्यासीको मैदान चलचित्रमा गीत लेखे पछि उनको भेट संगीतकार चेतन सापकोटासंग भयो । शङ्कर अधिकारी घायलको गीत, चेतन सापकोटाको सङ्गीतमा रोज राणाको पहिलो चलचित्र दादागिरीमा तिम्रो आँखामा बस्ने रहर भो मलाइ लेखे पछि उनी खोजिन थालियो गीत लेख्नलाई ।

रेखा फिल्म्सको 'किस्मत' को फुल जस्ती रैछौ तिमी । चेतन कै सङ्गीत रहेको मेरी बास्सै को शीर्षक गीत लेखे पछि उनी पूर्ण रूपमा गीतकार बने । रेखा ब्यानर कै अन्दाज फिल्मको 'सिम्पल सिम्पल कान्छीको डिम्पल पर्ने गाला' लेखे पछि घायल चर्चित बन्न पुगे । नेपालमा जति नै चर्चित भए पनि गीत लेखेर बाच्न गार्हो छ । उनको लेखन गीत सङ्गीतसँगै चलचित्र लेखन तर्फ मोडियो । तामाङ भाषाको चलचित्र जा थेवा भोजपुरी भाषाको यी कैसन बौछार अनि नेपाली कथानक चलचित्र लव इज लाइफ लेखे पछि चलचित्र लेखक पनि बने हाल उनले लेखेको नो स्मोकिङ र गोरे चलचित्र प्रदर्शनको तयारीमा छन् ।

अहिले नेपालमा लघु चलचित्रको भेल नै आएको छ सोही अनुरूप उनले करिब ५०० लघु चलचित्र लेखन र निर्देशन गरे अनि करिब ६० म्युजिक भिडियो पनि निर्देशन गरे । के बाच्नै पर्‍यो । बाच्नलाई काम गर्न जरुरी छ । त्यही भएर म यता मोडिएको हु । म गीतकार हु गीतकार भएर जन्मिए गीतकार भएरै मर्न चाहान्छु । अरू पेसा रोजेको खोजेको छैन मैले । गीत, सङ्गीत चलचित्र लेखन अनि निर्देशनमा लागेको छु । आफूले जानेको यही हो यस्मै रमाउन र हराउन अनि यस्मै जिन्दगी विसर्जन गर्न सके मेरो सफलता हुनेछ ।