मेरो बुद्ध मेरो नेपाल मनोरंजन साँझ सम्पन्न

बिराट नेपाल 2016-07-31

काठमान्डौ । 

बुद्ध, मि एण्ड नेपालले भूकम्पबाट ग्रस्त जिल्ला सिन्धुपाल्चोकमा बुद्धको १०० फुट अग्लो मूर्ती तथा शिक्षालय स्थापनार्थ साउन १४ गते राजधानीको प्रज्ञा भवनमा “बुद्ध, म र नेपाल मनोरञ्जन साँझ २०७३“ नामक एक भव्य मनोरन्जनात्मक साङ्गीतिक कार्यक्रमको आयोजना गरेको छ । 

कार्यक्रमको सुरुवात चर्चित गायिका कोमल ओलीले आफ्ना चर्चित गीतहरू गाएर गरिन । उनको पछिल्लो समयमा चर्चित रहेको तिज गीत पोइ पाउँ भनेर गीत गाउँने लास्टै चोटि हो लगायतका गीत दर्शकहरु सँगै नाच्दै गाएकी थिइन । कार्यक्रममा चर्चित हास्य कलाकारहरू किरण के.सी, शिवहरि पौड्याल र सबिता गुरुङको प्रहसनले धेरैलाई हसाएको थियो । उनीहरूले देशको परिस्थितिको बारेमा व्यगंतामक रूपले राजनीतिलाई घोचपेच गरेका थिए । त्यस्तै दिपकराज गिरी, दिपाश्री निरौलाको पृथक् प्रस्तुतिले दर्शकलाई थप मनोरंजन प्रदान गरेको थियो । सुरेन्द्र के.सी., शिव शङ्कर रिजालको प्रहसनले गौतम बुद्धको जन्म स्थान र संस्थाको उद्देश्य अनुरूपको सन्देश मूलक मनोरंजन दिएको थियो ।

 

 

कार्यक्रममा शङ्कर वि.सी. र पार्वती राईको नृत्यमा दर्शकहरु निकै  à¤°à¤®à¤¾à¤à¤•à¤¾ थिए । त्यसै गरी नायक सुशील छेत्री तथा नायिका तथा निर्मात्री जेनी कुँवरको नृत्यलाई पनि दर्शकहरूले हुटिङ्ग दिइरहेका थिए । गायक डिजराज पौडेलले आफ्नो निकै चर्चित गीत तिमी आउने बाटोमा गाउदा दर्शकहरु मन्त्र मुग्ध भएका थिए । राजेश पायल राईले आफ्ना चर्चित गीत गाएर थप मनोरन्जन प्रदान गरे । कार्यक्रम सञ्चालनको जिम्मा लिएका हास्यकलाकार मनोज आचार्य र विल्सन विक्रम राईले पनि दर्शकहरुलाई पटक पटक हसाएको थियो ।

बुद्ध, मि एण्ड नेपाल नामक संस्था नेपालको ७५ वटै जिल्लामा १०० फुट भन्दा अग्लो र सोही स्थानमा बुद्ध शिक्षालय स्थापना गर्ने निकै महत्त्वपूर्ण र महान् लक्ष्य बोकेर स्थापना भएको संस्था हो । यसै क्रममा पहिलो पटक सिन्धुपाल्चोक जिल्लाबाट यसको निर्माण गर्ने उद्देश्य अनुरूप यस् कार्यक्रमको आयोजना गरिएको हो । यस् योजनालाई साकार बनाउन र सफल बनाउन सहयोगार्थ नियमित कायक्रमको आयोजना गरिने संस्थाका अध्यक्ष गौतम मान सिंहले जानकारी दिनुभयो । संस्थामा नेपालका चर्चित कलाकार,व्यापारी,समाजसेवीहरुको संलग्नता रहेको छ । यस अभियानमा सबैको सहभागिता गराउनु पर्छ भन्ने अभिप्राय स्वरूप सस्थाका आजिबन सदस्यहरूले ’शान्तिपूर्ण र विकसित नेपाल हाम्रो आगमी पुस्तालाई हस्तान्तरण गरौँ ’ भन्ने प्लेकार्ड सो गरेका थिए । कार्यक्रममा सङ्कलन भएको रकम सिन्धुपाल्चोक जिल्लामा १०० फुट अग्लो बुद्धको मूर्ती र बुद्ध शिक्षालयमा खर्च गरिने जानकारी संस्थाका उपाध्यक्ष शिवहरि पौडेलले जानकारी दिनु भयो । 

 

संस्थामा अध्यक्ष गौतम मान सिंह हुनुहुन्छ, जो रेयुकाई नेपालका अध्यक्ष समेत हुनुहुन्छ । उपाध्यक्षमा कलाकारहरू, किरण के.सी, शिवहरि पौडेल, सुरेन्द्र के.सी महासचिवमा गायिका सुनिता दुलाल, सचिवमा गायक डिजराज पौडेल अन्य सदस्यहरूमा शिवशंकर पान वाला,मृगेन्द्र भट्राई अम्बिका डंगोल, उर्मिला श्रेष्ठ हुनुहुन्छ । आजिवन सदस्य बन्न चाहने सदस्यहरू दिन प्रतिदिन बढ्दो रहेको जानकारी संस्थाले दिएको छ ।  à¤†à¤—ामी दिनहरूमा पनि विभिन्न कलाकारहरूको साथ लिएर देशै भर उद्देश्य अनुसार गौतम बुद्धले दिएको सन्देश र ज्ञानलाई आत्मसात गर्न प्रेरित गराउन विभिन्न कार्यक्रमहरू आयोजना गरिने जानकारी संस्थाका अर्का उपाध्यक्ष किरण के.सी.ले दिनु भयो ।