काठमाडौँ, माघ १४ गते। बङ्गलादेशमा जारी उन्नाइस वर्षमुनि ९यु–१९० विश्वकप क्रिकेटमा नेपालले आफ्नो पहिलो खेलमा न्युजिल्यान्डलाई पराजित गर्दै प्रतियोगितामा सुखद सुरुवात गरेको छ । 

बङ्गलादेशको फल्तुल्लाहस्थित खान साहेब ओसमान अलि रङ्गशालामा सम्पन्न खेलमा नेपालले टेष्ट मान्यता प्राप्त राष्ट्र न्युजिल्यान्डलाई ३२ रनले पराजित गरेको छ । जितसँगै नेपालको अघिल्लो चरण प्रवेशको सम्भावनासमेत प्रबल बनेको छ । 

प्रतियोगितामा टस हारेर पहिला ब्याटिङको निम्तो पाएको नेपालले निर्धारित ५० ओभर पुरै खेल्दै ७ विकेटको क्षतिमा २३८ रन जोडेको थियो । जवाफी ब्याटिङ्मा उत्रेको न्युजिल्यान्ड भने ४७ दशमवल १ ओभरमा सबै विकेट गुमाउँदै २०६ रनमा समेटियो । नेपाली युवा टोलीले आजको खेलमा जित मात्रै निकालेनन् रन जोड्ने क्रममा नयाँ इतिहाससमेत बनाए । यु–१९ विश्वकप क्रिकेटमा नेपालले अहिलेसम्मकै ठुलो योगफल समेत बनायो । यसअघि सन् २००६ मा नेपालले आयरल्यान्ड विरुद्धको खेलमा २३४ रन बनाएको थियो ।

प्रतियोगितामा ओपनरद्धय सन्दिप सुनार र सुनिल धमलाले पहिलो विकेटका लागि ३९ रनको साझेदारी गर्दै राम्रो सुरुवात दिलाएका थिए । कप्तान राजु रिजालले ४८ रनको योगदान दिए । उनले ६५ बल खेल्दै ६ चौका समेत प्रहार गरे । त्यस्तै सन्दिप सुनार र आरिफ शेखले समान ३९÷३९ रन जोडे । यस क्रममा सुनुवारले एक छक्का र तीन चौका तथा उपकप्तान शेखले तीन चौका समेत हाने । कुशल भुर्तेलले अविजित ३५, राजविर सिंहले २४, सुनिल धमलाले १५, योगेन्द्रसिंह कार्कीले ६ रन तथा प्रेम तामाङ चार रनमा अविजित रहे । बलिङतर्फ न्युजिल्याण्डका नाथन स्मिथले तीन, क्रिष्टियन लियोपार्ड, अनिकेट पारिख, रचिन रविन्द्र र जोस फिन्नीले समान एक– एक विकेट लिए ।

न्युजिल्यान्डका लागि गेलेन फिलिप्सले सर्वाधिक ५२ रन बनाए । यस्तै डले फिलिप्सले ४१ तथा जोस फिनाईले ३७ रन बटुलेका थिए । न्युजिल्यान्डलाई सस्तैमा समेट्ने क्रममा नेपालका दिपेन्द्रसिंह ऐरीले तीन, प्रेम तामाङले दुई तथा सुनिल धमला र संदिप लामिछानेले समान एक–एक विकेट लिए ।

मलेसियामा गत अक्टोबरमा सम्पन्न आइसिसी यु–१९ विश्वकप क्रिकेटको छनोट प्रतियोगिताको फाइनल खेलमा नेपालले आयरल्यान्डलाई पराजित गर्दै विश्वकपको लागि छनोट भएको थियो । निकै कठिन समूहमा परेको नेपालले आफनो दोस्रो खेलमा शनिवार आयरल्यान्डको सामना गर्नेछ । समूह डी मा नेपालसहित न्युजिल्यान्ड, आयरल्यान्ड र भारत छन् । रासस

Post Comments Using Facebook

Your Comments

Your email address will not be published. Required fields are marked *

Name, City, Country * Please specify you name.

Email * Please enter a valid email. e.g. [yourname@yourdomain.com].

Comment* Please enter comment.

TYPE BELOW CAPTCHA SAME AS SHOWN

CAPTCHA *  Please enter the text shown on the above image.

फोहोर, आपत्तिजनक र अशिष्ट भाषामा गाली गरिएका प्रतिक्रिया पोष्ट हुनेछैन् ।
तपाईले पठाएका प्रतिक्रिया सम्पादन टीमबाट स्वीकृत भएपछि मात्र प्रकाशन हुने भएकाले केही समय लाग्न सक्छ । असली, पुरा नाम र ठेगाना उल्लेख भएका तथा सिर्जनशील प्रतिक्रियालाई बिशेष प्राथमिकता दिइने छ ।-सम्पादक