कुरा मनमै रहे पछि

बिराट नेपाल 2016-07-23

बिआरटी नेपाल सम्बादाता, कोलोराडो । 
नेपाली सङ्गीतमा निरन्तरता दिने क्रममा दीपेश किशोर भट्टराई फेरि मनोभाव लिएर बजारमा आएका छन् । उनको "देन" अल्बममा निकै चर्चा बटुल्न सफल "भगवान् मर्‍यो" बोलको गीतबाट सहकार्यमा जुटेका भुपेन्द्र महतको शब्द र दीपेशकै स्वर र सङ्गीतमा सजिएका यो अल्बममा गीत र गजल गरी ८ वटा सांगेतिक कोशेली छन् । महाराज थापाको सङ्गीत समायोजन रहेको उक्त अल्बमको एउटा गीतको म्युजिक भिडियो हालै बजारमा आएको छ । रोमान्चकरुपमा पोखिएको यो गीतमा मन पराएकालाई भन्न नसक्दाको युवा भावना कस्तो हुन्छ भन्ने कुरा गीत मार्फत प्रकट गरिएको छ। कोलोराडोमा रहदै आएका बासु खडका र सम्पादाको अभिनय रहेको उक्त म्युजिक भिडियोको बिभोर पोखरेलले निर्देशन गरेका छन् । 

अनिल मानन्धरको छाँयान्कन र टेकेन्द्र शाहको सम्पादन रहेको उक्त भिडियोले सबैको मन जित्ने निर्माण पक्षले आशा राखेको छ । हुन त यस अल्बमका,"तिमी जहाँ खुसी तेही", "यसै पनि राम्री तिमी", "भगवान् मर्‍यो" र "न याद यो" जस्ता बोलका गीतहरुको म्युजिक भिडियो पहिले नै सार्वजनिक भई सकेका छन् । 

यो बिल्कुलै नयाँ स्वादको गीत हेर्न यहाँ क्लिक गर्नु होला । 

 

. . . . .