NY Train Accident

बिराट नेपाल 2013-12-01

न्युयोर्क, न्युयोर्कको ब्रोंसमा आईतबार बिहान यात्रुबाहक रेल दुर्घटना हुंदा ४ जनाको मृत्यु भएको छ भने ६७ जना घाईते भएका छन् । ब्रोंक्सको स्पुयटेन डुयभिल स्टेशन नजिकै भएको दुर्घटनामा रेलका दुई वटा डिब्बाहरु चुडिएर उछिट्टिएकोले दुर्घटना भएको सिएनएनले जनाएको छ । दुई वटा डिब्बा मध्ये एउटा डिब्बा हार्लेम नदिको नजिकै पुगेको जनाईएको छ । घटना लगत्तै घटना स्थलमा उद्धारकर्मी पुगेका थिए भने न्युयोर्क राज्यका गर्भनर एन्ड्रिउ कुमो पनि घटना स्थल पुगेर निरीक्षण गर्नुभएको थियो । रेलको गति कस्तो थियो र रेल भित्र कती यात्रु थिए भन्ने कुराको भने अझै पत्ता नलागेको समाचारहरुले जनाएका छन् । रेलमा रहेका यात्रुलाई उद्धृत गर्दै डब्लुएबीसीले जनाए अनुसार रेल सामान्य अवस्थामा भन्दा दु्रत गतिमा रहेको र रेलका चालकले बे्रक लगाउन खोज्दा पनि रेल नरोकिएको महषुश गरेको बताएका छन् । घटनामा रेलका चालक समेत घाईते भएका छन् ।