असेश तमाङ, वासिङ्टन डिसी-- अमेरिकी एनआरएनको निर्वाचन नजिकिंदै गर्दा अध्यक्ष पदका सशक्त उम्मेदवार डा. केशव पौडेलको पक्षमा जनलहर उर्लिएको छ । हालै रिजउडमा शक्ति प्रदर्शन गरेका पौडेलले सहजै अन्य आकांक्षीहरुलाई पराजित गर्ने करिब पक्कापक्की भएको छ । सबैभन्दा शिक्षित एवम् भद्र र इमानदार डा. पौडेलको अगाडि अन्य उम्मेदवारहरु फिका देखिएका छन् । अमेरिकामा स्थापित दुई अनलाइन न्युज पोर्टल बिआरटी डटकम र हिमाली पोष्टको अनलाइन मत सर्वेक्षणले डा. पौडेललाई सबैभन्दा अब्बल उम्मेदवारको रूपमा देखाएको छ । अन्य उम्मेदवारहरुले १०÷१५ प्रतिशतको मत प्राप्त गरिरहेको स्थितिमा पौडेलले दुवै सर्वेक्षणमा सहजै ५० प्रतिशत मत कटाएका छन् । सामाजिक सञ्जालमा पनि पौडेलको पक्षमा स्पष्ट जनमत देखिएको छ । अन्य उम्मेदवारहरुको कार्यक्रममा आठ, दश जनाको सङ्ख्या उपस्थित हुने गरे पनि पौडेलको कार्यक्रमहरूमा हलहरु खचाखच हुने गरेका छन् । यसै साता पौडेलको न्युयोर्क, क्यालिफोर्निया र टेक्सासमा भव्य कार्यक्रमहरू हुने भएका छन् । निर्वाचन क्याम्पेनका विषयमा पौडेल भन्छन्– ‘साथीहरूले धेरै राज्यहरूको कार्यक्रममा सहभागिताका लागि आमन्त्रण गरिरहनुभएको छ । भ्याएसम्म सबैतिर गइराखेको छु । समय अभावले सबै कार्यक्रम भ्याउन गाह्रो परिरहेको अवस्था छ ।’ निर्वाचनकै प्रसङ्गमा पौडेल थप्छन्– ‘सकारात्मक सोच र सकारात्मक कामका लागि एनआरएनमा आएको हुँ । साथीहरू सबै जनाले माया गरिराख्नुभएको छ । विश्वास छ, मलाई अध्यक्षमा पु¥याउनुहुनेछ । त्यसपछि म सबैको मनको प्रतिनिधित्व गर्नेछु ।  

कनेक्टिकट निवासी एवम् एनआरएन मतदाता श्रीराम भुजेलले भने– ‘म फेसबुकको पारखी हु“, डा. पौडेलको कुनै पनि स्टाटस र अन्य पक्षमा लाइक र कमेन्टको बाढी हुन्छ तर अन्य उम्मेदवारको फेसबुकमा जनसमर्थन शून्यप्रायः छ छ ।’ प्रजातन्त्रको जननी मानिने अमेरिकामा अधिकांश नेपालीहरू पनि प्रजातान्त्रिक धारमा विश्वास राख्ने पृष्ठभूमिमा पौडेलको जित प्रायः निश्चित रहेको बताऊ“छन्, न्यूयोर्कमा कार्यरत एक व्यवसायीले भने– ‘डा. पौडेलको शालीन व्यक्तित्व र उनको उच्च शिक्षाले धेरैको मन जितेको छ । सबैभन्दा महत्वपूर्ण पक्ष उनको उच्च व्यावसायिकता हो । अर्काेतिर अध्यक्षमा उठेका अन्य उम्मेदवारहरु विवादित चरित्र र दोधारे प्रवृत्तिका छन् ।’ एनआरएनको यो निर्वाचनमा डा. केशव पौडेलको दाँजोमा अन्य अध्यक्ष पदका उम्मेदवार प्रतिस्पर्धी नै होइनजस्तो लागेको र पौडेल जनमत जितेर धेरै अगाडि पुगिसकेको उनी बताउँछन् । ती व्यवसायीले हालै नेपालको चलनचल्तीको एक अनलाइनमा प्रकाशित समाचारको प्रंसगलाई उठाएका थिए । सो अनलाइनले एक उम्मेदवारको नामै किटेर अमेरिकामा मानव तस्करमा संलग्न रहेको समाचार प्रकाशित गरेको थियो । 

नेपालमा पूर्व विद्यार्थी नेतासमेत रहेका डा. पौडेलको पक्षमा अधिकांश प्रजातन्त्रवादी, शिक्षित एवम सर्वसाधारणको समर्थन रहेको देखिएको छ । जनसम्पर्क समितिको एक समूहले बागी उम्मेदवारको रूपमा नगेन्द्र पौडेललाई उठाए पनि रुखो व्यवहार, अर्काको सम्मान गर्न नजान्ने र कसैप्रति पनि सामान्य मानवीय सदभाव दर्साउन नसिकेका नगेन्द्र पौडेलले कुल दश हजार मतमा आफनो पक्षमा पा“च सय मत पनि कटाउन नसक्ने निश्चित छ । उनी सबैभन्दा पुछारमा पर्नेछन् । जनसम्पर्क समितिका एक चोइटोको प्रतिनिधित्व गर्ने नगेन्द्र पौडेललाई डिसी क्षेत्रमै अधिंकाशले नरुचाइएका व्यक्ति मानिन्छन् । नेपाल अमेरिका पत्रकार सङ्घ र अमेरिका नेपाल सोसाइटीमा नेतृत्व गर्न असफल बनेका नगेन्द्र पौडेलको उम्मेदवारी जित्नका लागि नभएको धेरैको अनुमान छ । अध्यक्ष पदकै अर्का उम्मेदवार पञ्चायती पृष्ठभूमिका श्री पराजुली थोमस नामक एक अमेरिकी वकिलको कार्यालयमा दोभाषेका रूपमा कार्यरत छन् । 

लोकतान्त्रिक गणतन्त्र नेपालमा सङ्घीयताको विषयमा बहस भइरहेको वर्तमान परिप्रेक्ष्यमा पञ्चायत पृष्ठभूमि, त्यसमा पनि कमल थापा पक्षधर राप्रपाको प्रतिनिधित्व गर्दै अध्यक्षको उम्मेदवार बनेको आरोप उनीमाथि छ । त्यसकारण उम्मेदवार पराजुलीमाथि संघीयताविरोधी आरोप लाग्दै आएको छ । पराजुली मात्र होइन, राजा ज्ञानेन्द्रको शासनकालमा सक्रिय भूमिका देखाएकी सञ्चारकर्मी रमा सिंहलाई सबैले चिने पनि राजावादीको निकटताले उनको क्याम्पियन पनि धरापमा परेको छ । दुर्गा दाहालले क्यालिफोर्नियाबाट केही सय मत ल्याए पनि अन्य राज्यमा उनको स्थिति शून्य छ । गणेश कुँवर शिक्षित भए पनि एमाले कम्युनिस्टको लेबलको उनको हार निश्चितप्राय छ । नेपालमा निर्माणाधीन एनआरएन भवनको सहयोगार्थ इमानदारीपूर्वक ५ हजार डलर दिएर चन्दा न्यूयोर्कमा चन्दा अभियानको खाता खोलेका डा. पौडेललाई एनआरएन अध्यक्ष खगेन्द्र जिसीको समर्थन, जनसम्पर्क समितिको चढ्दो प्रभाव, शिक्षित वर्गहरुको सामिप्यता र न्युयोर्क, टेक्सास र क्यालिफोर्नियालगायत राज्यमा रहेको आम नेपालीहरूले रुचाइएका डा. पौडेलको जित निश्चितप्राय रहेको छ । डा. पौडेलले खसेको मतको ६० देखि ६५ प्रतिशत मत ल्याउने अधिकांशले आँकलन गरेका छन् ।  

Post Comments Using Facebook

Your Comments

Your email address will not be published. Required fields are marked *

Name, City, Country * Please specify you name.

Email * Please enter a valid email. e.g. [yourname@yourdomain.com].

Comment* Please enter comment.

TYPE BELOW CAPTCHA SAME AS SHOWN

CAPTCHA *  Please enter the text shown on the above image.

फोहोर, आपत्तिजनक र अशिष्ट भाषामा गाली गरिएका प्रतिक्रिया पोष्ट हुनेछैन् ।
तपाईले पठाएका प्रतिक्रिया सम्पादन टीमबाट स्वीकृत भएपछि मात्र प्रकाशन हुने भएकाले केही समय लाग्न सक्छ । असली, पुरा नाम र ठेगाना उल्लेख भएका तथा सिर्जनशील प्रतिक्रियालाई बिशेष प्राथमिकता दिइने छ ।-सम्पादक