MRP CAMP Colorado

बिराट नेपाल 2015-04-22

बीआरटीनेपाल संवाददाता, शनिवार बोल्डर लाइब्रेरीमा आयोजित एमआरपी फारम आवेदन बुझाउन राखिएको विशेष व्यवस्थामा चाप वढेपछि स्थानीयको माग अनुसार आइतबार एक दिन थप गरिएको हो । वासिंटन डिसी स्थित नेपाल दूतावास र डेनभरमा एमआरपी सहजकर्ता शैलेश पोखरेल र विरेन्द्र अधिकारीको संयुक्त पहलमा शनिवार एमआरपी फारम बुझाउने सम्पूर्ण प्रक्रिया बोल्डरमै गरिएको हो । एमआरपी राहदानी प्रक्रियालाई त्रुटी रहित बनाउन दूतावासका दुई जना कर्मचारी कोलाराडोमा हुनुहुन्छ । उक्त विशेष व्यवस्थामा पासपोर्ट सम्बन्धी कयौँ समस्याका बारेमा पनि जानकारी दिइएको थियो । फारम भर्दा त्रुटी हुने, फोटोको साइज नमिल्ने जस्ता समस्या प्रशस्त देखिएका थिए । उक्त अवसरमा करिब ७५ जनाले नयाँ राहदानीका लागि आवेदन दिएका थिए । थप कयौँले एमआरपी बनाउन आवश्यक पक्षवारे पनि जानकारी लिएका थिए ।

भिडियो हेर्नको लागि तल क्लिक गर्नुहोला । धन्यवाद ।