टोकियो, जेठ २२ गते। एक जना जापानी नागरिकले ९६ वर्षमा बिए पास गरेर बिए पास गर्ने विश्वको सबैभन्दा बढी उमेरको व्यक्तिको नयाँ कीर्तिमान राख्नुभएको छ । उहाँले जापानको क्योतो विश्वविद्यालयबाट हालैमात्र सेरामिक कला विषयमा स्नातक पास गर्नुभएको थियो । ९६ वर्षमा स्नातक गर्नुभएका उहाँलाई गिनीज वल्र्ड रेकर्डले हालैमात्र संसारको सबैभन्दा पाको उमेरमा स्नातक गर्ने व्यक्तिका रूपमा प्रमाणपत्र प्रदान गरेको शनिवारका जापानी सञ्चारमाध्यमले लेखेका छन् ।

जापानका ९६ वर्षीय नागरिक सिगेमी हिराताले क्योतो विश्वविद्यालयबाट सबैभन्दा पाको उमेरमा स्नातक पास गर्नुभएकोले उहाँलाई गिनीज वल्र्ड रेकर्डले प्रमाणपत्र दिएको हो । उहाँ सन् १९१९ मा हिरोसिमामा जन्मिनुभएको हो । उक्त विश्व रेकर्डपछि खुसी भएका उहाँका साथीहरूले उहाँलाई सोही कलेजमा स्वागत गरेका थिए । उहाँले योमियुरी समचारपत्रमा भन्नुभयो– मलाई बधाई ज्ञापन गर्न को साथी आए मैले चिनिन तर मलाई आज निकै नै खुसी लागेको छ । त्यस रेकर्डले आफूलाई निकै ठुलो ऊर्जा दिएको उहाँले सो पत्रिकालाई बताउनुभएको छ । उहाँले सो कोर्ष पूरा गर्न ११ वर्ष लागेको बताइएको छ ।

आफ्नो जागिरबाट सेवानिवृत्त भएका उहाँले ११ वर्षअघि सो विश्वविद्यालय भर्ना हुनुभएको थियो । उहाँले आफू कम्तीमा पनि १०० बाँच्ने इच्छा भएको र त्यतिसमय सम्म बाँच्ने धारणा राख्नुभयो । आफूले केही न केही नाम राखौँ भनेर नै यो काम गरेको उहाँले बताउनुभयो । हुनत म सक्षम र सबल नै छु तरपनि यो उमेरमा क्याम्पसजादा भने एक हिसाबले हाँसोको पात्र हुने गरेको छ– उहाँले बताउनुभयो । सामान्यतया जापानी नागरिकहरू विश्वका अन्यको तुलनामा बुढेसकालमा पनि सक्रिय रूपमा काम गरिहरने हुन्छन् । रासस÷एएफपी

Post Comments Using Facebook

Your Comments

Your email address will not be published. Required fields are marked *

Name, City, Country * Please specify you name.

Email * Please enter a valid email. e.g. [yourname@yourdomain.com].

Comment* Please enter comment.

TYPE BELOW CAPTCHA SAME AS SHOWN

CAPTCHA *  Please enter the text shown on the above image.

फोहोर, आपत्तिजनक र अशिष्ट भाषामा गाली गरिएका प्रतिक्रिया पोष्ट हुनेछैन् ।
तपाईले पठाएका प्रतिक्रिया सम्पादन टीमबाट स्वीकृत भएपछि मात्र प्रकाशन हुने भएकाले केही समय लाग्न सक्छ । असली, पुरा नाम र ठेगाना उल्लेख भएका तथा सिर्जनशील प्रतिक्रियालाई बिशेष प्राथमिकता दिइने छ ।-सम्पादक