विडम्बना- राम लामा

बिराट नेपाल 2016-07-27

आकाश देखी पातलको बिचमा 

जन्म देखी मृत्‍युको अन्तरालमा 

 

रुने र हांस्नेहरुको अन्तरकथा 
पाउंने र गुमाउंनेहरुको छुट्टै व्यथा 

 

जन्माउंनको लागि हुरुक्क हुंन्छन 
जन्माए पछि धुरुक्क रुन्छन 

 

बलवान बुर्कुशी मार्दै दौडिन्छ 
अशक्त आँफैलाई उठाउंन खोज्छ 

 

निर्धनले दौलत खोज्छ जहाँं 
धनाढ्यले दान-पेटी खोज्छ त्यहाँ 

 

विश्वासको खुट्टा लरबरिएको छ 
कर्तव्यले अंखा चिम्लिएको छ 

 

स्वार्थीको टोली सम्मानित छ 
निस्वार्थिले ताली मात्र पड्काएको छ 

 

बहुमतले मूर्ख चम्किएको छ 
अल्पमतले विध्वान ओझेलिएको छ 

 

इमान सधैँ भौंतारिएको छ 
बेईमानले बाजी मारेको छ 

 

भाग्य र दुर्भाग्यको खिचातानी 
विडम्बनाले भरिएको यो जिन्दगानी ।