Similar Articles

नेपाल समाचार (Nepal)

माओवादी केन्द्रको वामपन्थी बुद्धिजीविहरु एकजुट हुँदै

बिराट नेपाल 2016-07-12

धनन्जय बुढा\काठमाडौं, २८ असार

नेकपा माओवादी केन्द्रका नेता एवं बुद्धिजसीवि इन्चार्ज दीननाथ शर्माले वामपन्थी बुद्धिजीविहरु एकजुट हुनुपर्ने बताएका छन् । एकतापछि गठित नेकपा माओवादी केन्द्र आवद्ध बुद्धिजीवि संगठनहरुको भेलाको निर्णय सार्वजनिक गर्न आयोजित राजधानीको संबाद डबलीमा आयोजित पत्रकार सम्मेलनमा सो कुरा बताएका हुन् । 

वामपन्थीनिकट बुद्धिजीवि संगठनहरु मिलेर गठन भएको यो संगठनले गति लिने विश्वास व्यक्त गर्दै शर्माले भने भत्किएका संगठनहरुलाई एक ठाउँमा ल्याउन पार्टी सफल भएको बताए । उनले बुद्धिजीविहरुले तीव्र गतिमा काम गर्नुपर्नेमा जोड दिए ।

असार २६ गते राजधानीमा पाँचवटा संगठनको एकता भेलाले सम्पन्न राष्ट्रिय भेलाल नेपाल राष्ट्रिय बुद्धिजीवि संगठन गठन गरेको छ । कार्यक्रममा नेकपा माओवादी केन्द्रनिकट नेपाल राष्ट्रिय बुद्धिजीवि संगठनको प्रादेशिक भेला आउने साउन मसान्तभित्रै सक्ने गरी तयारी थालिएको जानकारी संगठनका दिएका छन् । 

राष्ट्रिय भेलाको निर्णय सार्वजनिक गर्न मंगलबार संबाद डबलीमा आयोजित एक पत्रकार सम्मेलनमा संगठनका अध्यक्ष नरेश भण्डारीले सो कुराको जानकारी दिएका हुन् । राज्यले बुद्धिजीविलाई सधैं सत्तादेखि बाहिर राखेर गल्ती गरेको भण्डारीले बताए । ‘बुद्धिजीविलाई सत्तामा प्रत्यक्ष रुपमा सहभागी गर्नुपर्छ’ भण्डारीको भनाई छ ।

पत्रकार सम्मेलनमा अध्यक्ष भण्डारीले एक प्रेस विज्ञप्ति प्रकाशित गरेर भेलाले गरेको ५ बुँदे निर्णय सार्वजनिक गरे । भेलाले नेपाल बुद्धिजीवि संगठन, क्रान्तिकारी बुद्धिजीवि विङ, राष्ट्रिय क्रान्तिकारी बुद्धिजीवि संगठन र राष्ट्रिय क्रान्तिकारी बुद्धिजीवि संगठन नेपाल र क्रान्तिकारी बुद्धिजीवि संगठन मिलेर भण्डारीको अध्यक्षतामा ३२५ सदस्यीय नेपाल राष्ट्रिय बुद्धिजीवि संगठन गठन गरेको छ ।

त्यस्तै आगामी पौष महिनामा संगठनको राष्ट्रिय सम्मेलन गर्ने निर्णय पनि भेलाको छ । भेलाले संगठन, आर्थिक, अन्तर्राष्ट्रिय, अध्ययन, अनुसन्धान तथा अन्वेषण, सरकार–सदन–समन्वय, प्रचारप्रसार तथा प्रकाशन, स्कूलिङ, स्वास्थ्य, अनुशासन तथा अनुगमन र विज्ञान, प्रविधि तथा जलवायु विभागहरु गठन गरेको पत्रकार सम्मेलनमा बताए ।
 
भेलाले संगठनको उपाध्यक्षमा नन्दकुमार थापा, महासचिवमा कृष्ण केसी, सचिवमा गुणराज गौतम, कोषाध्यक्षमा भिमसेन गौतम चयन गरेको छ ।



-->

Post Comments Using Facebook


Your Comments

Your email address will not be published. Required fields are marked *

* Please specify you name.

* Please enter a valid email. e.g. [yourname@yourdomain.com].

* Please enter comment.

TYPE BELOW CAPTCHA SAME AS SHOWN

*  Please enter the text shown on the above image.


फोहोर, आपत्तिजनक र अशिष्ट भाषामा गाली गरिएका प्रतिक्रिया पोष्ट हुनेछैन् ।
तपाईले पठाएका प्रतिक्रिया सम्पादन टीमबाट स्वीकृत भएपछि मात्र प्रकाशन हुने भएकाले केही समय लाग्न सक्छ । असली, पुरा नाम र ठेगाना उल्लेख भएका तथा सिर्जनशील प्रतिक्रियालाई बिशेष प्राथमिकता दिइने छ ।-सम्पादक