Similar Articles
अमेरिकामा पाउन थाले नेपालीले टीपीएस, आवेदन दिएको डेढमहिनाभित्रै आवेदनका पक्षमा फैसला
बासु फुलारा, अमेरिकामा पाउन थाले नेपालीले टीपीएस, आवेदन दिएको डेढमहिनाभित्रै आवेदनका पक्षमा फैसलानेपाललाई टेम्पोरेरी प्रोटेक्टेड स्टाटस टीपीएसको दर्जामा राखेको डेढमहिनापछि नेपालीका टीपीएस आवेदनहरुका पक्षमा युएससीआईएसले फैसला दिन सुरु गरेको छ । नेपालमा गएको महाभूकम्पपछि गैरआप्रवासी स्टाटसमा रहेका र कागजपत्रविहिन नेपालीहलाई अमेरिकामा बस्न, काम गर्न र अमेरिकाबाहिर यात्रा गर्न समेत सुविधा प्रदान गर्न सक्नेगरी अमेरिकी सरकारले टीपीएस सुविधाको घोषणा गरेको थियो । जुन २४ मा अमेरिकी सरकारको होमल्याण्ड सेक्युरिटीले नेपाललाई टीपीएसको दर्जामा राखे लगत्तै नेपालीहरूले टीपीएसका लागि आवेदन दिन सुरु गरेका थिए ।
न्युयोर्कको क्षेत्री एण्ड एसोसिएट्स पीसीका चर्चित कानुन व्यवयासी बासु फुलारा भन्नुहुन्छ -'अमेरिकी सरकारले नेपाललाई टीपीएसको दर्जामा राखे लगत्तै हामीले पठाएका सेवाग्राहीका टीपीएसका आवेदनका पक्षमा फैसला हुन थालिसकेको छ । हामीले प्रतिनिधित्व गरेको पहिलो आवेदनका पक्षमा युएससीआईएसले अगस्त ११ मा फैसला दिइसकेको छ । '
मासाचुसेट्सका कृष्ण भण्डारी (नाम परिवर्तन) को आवेदन युएससीआईएसले जुलाई ७ मा प्राप्त गरेको थियो । उनलाई अगस्त ७ मा औंठाछापका लागि बोलाइएको थियो । त्यसलगत्तै अगस्त ११ मा उनको टीपीएस आवेदनका पक्षमा फैसला भएको छ । उनलाई सन् २०१६ को डिसेम्बर २४ सम्मका लागि टीपीएस प्रदान गरिएको छ । सन् २००५ मा अमेरिकामा आएका उनलाई वर्क परमिट पनि प्रदान गरिएको छ ।
अन्य आवेदकका पनि आवेदनका पक्षमा फैसला हुन सुरु गरिसकेको कानुन व्यवसायी फूलाराले जानकारी दिनुभयो । फुलाराले भन्नुभयो - 'सन् २०१६ को डिसेम्बर २४ सम्मका लागि नेपालीलाई टीपीएस सुविधा प्रदान गर्नका लागि अमेरिकी सरकारका तर्फबाट भएको घोषणा अनुरूप त्यो मितिसम्मका लागि टीपीएस आवेदक नेपालीहरूले सुविधा पाउन थालेका छन् । '
यदि तपाईपनि टीपीएसको आवेदन दिनुभएको छ भने तपाईँले आफ्नो केसको अवस्थाबारे थाहा पाउन यो लिंकमा क्लिक गर्नुहोला र रिसिप्ट नम्बर हालेर हेर्नुहोला ।
=============================================================
कानुन व्यवसायी बासु फुलारा: facebook.com/bashu.phulara/ लाई सम्पर्क गर्नु परेमा उहाँको फोन नम्बर 718 440 5754 मा फोन गर्न वा इमेल ठेगाना bp@chhetrylaw.com मा इमेल गर्न सक्नुहुनेछ ।
-->